“ Lux တို့ ရောက်လာပြီ အနွေး “

 

Setကို ရောက်ရောက်ချင်းပင် ဓနက တက်ကြွစွာလာကြိုဆိုလေသည် ။ လူကသာ တက်ကြွနေပေမဲ့ အခြေအနေကြည့်ရတာ ဒီဘဲတွေ ညလုံးပေါက် all nighterဆွဲထားမှန်း သိသာလှသည် ။

 

“ မင်းတို့ ညရော အိပ်ထားရဲ့လား “

 

“ ၃ နာရီလောက်တော့ အိပ်ထားတယ် ဟဲဟဲ “

 

ရယ်ကျဲကျဲလုပ်နေသော ဓနကို ကျော်ပြီး အနောက်ကို ကြည့်လိုက်တော့ camera setting ချိန်နေသော နွေးမွန်မှာ ဇွန်ဘီက အဖေခေါ်ရလောက်မဲ့ရုပ်ပေါက်နေလေသည် ။

 

နေရောင် ဒီနေ့ ရိုက်ရမည့် ရိုက်ကွင်းက ဓနနဲ့ နွေးမွန်တို့ ၂ယောက် ပေါင်းလုပ်တဲ့ conceptual photoshootဖြစ်သည် ။ ဓနစီက infoအရကတော့ သူတို့ ပြိုင်ပွဲတစ်ခုဝင်ပြိုင်ဖို့အတွက် ရိုက်တာဖြစ်ပြီး ပြိုင်ပွဲ deadlineဖင်ထဲဝင်မှ ၂ယောက်သား ဝူးရှူးဝါးရှားထလုပ်တာဖြစ်လို့ ပြင်ဆင်ချိန်သိပ်မရလိုက်ပဲ ခုလို ဇွန်ဘီဖြစ်တဲ့အထိ ရုန်းကန်ရခြင်းဖြစ်သည် ။

 

သူတို့ pre-productionအရဆိုရင် studio indoorအပြင်ကို outdoor ရိုက်ဖို့ပါရှိသည် ။ လောလောဆယ်တော့ ၁၀ပေ ပတ်လည် studioထဲမှာ indoor ရိုက်ဖို့ လုံးပန်းရလေသည် ။

 

“ ဒီတခါ photographerက အနွေး ကိုင်မှာ ၊ ငါက Art Director ကိုင်မှာ ၊ ဒါနဲ့ ရောင်ခြည် တိတ်လှချည်လား “

 

နေရောင်ကို ယနေ့ shootအတွက် ရှင်းပြရင်း ၊ စရောက်ကထဲက စကားတခွန်းမှ မပြောသေးတဲ့ ရောင်ခြည်ကို ဓန ရိပ်မိတော့ စကားလှမ်းစလိုက်လေသည် ။

 

“ အစ်ကိုတို့ အလုပ်ရှုပ်နေတာမြင်လို့ မနှောက်ယှက်ချင်လို့ “

 

“ အေးကွာ studioက အချိန်နဲ့ ငှါးထားတာမို့လို့ မြန်မြန် အပြီးသတ်ရမှာ ၊ ခဏလေးစောင့်နော် outdoorရိုက်ရင် အစ်ကို အဖော်လုပ်ပေးမယ် “

 

“ ရတယ် ကိုစော အေးဆေး “

 

ဓန ရောင်ခြည်ကို မတွေ့တာ ၃/၄လလောက်ရှိပြီဖြစ်သည် ။ မတွေ့တဲ့ ကာလအတွင်းမှာ ရောင်ခြည် တော်တော်အရွယ်ရောက်လာသည်ဟု သူ တွေးမိသည် ။ ကလေးတွေ တော်တော်အထွားမြန်သည်ဟုပင် သူမှတ်ချက်ပေးမိသည် ။

 

Studioက အချိန်အကန့်သတ်ဖြင့် ငှါးထားတာဖြစ်တာကြောင့် MA နှင့် ရောင်ခြည်ကို concept moodboard နဲ့ ကိုက်တဲ့ make up lookစပြီး ပြင်ရလေသည် ။

ဓန ဒီတစ်ခါ လုပ်ချင်တဲ့ conceptက “ Vine : နွယ် “ ဆိုသည့် concept ဖြစ်သည် ။

နွယ်ဆိုသည့်အတိုင်း ရှုပ်ထွေး ၊ ငြိတွယ်ခြင်း ၊ ရစ်နှောင်ခြင်း တနည်းအားဖြင့် စွဲလမ်းမှု ( obsession ) ကို ဖော်ပြချင်တာဖြစ်သည် ။

ရှေးဦးစွာ နေရောင်ကို အဖြူရောင် ဇာကွက်များပါဝင်တဲ့ အက်ျီကို ဝတ်စေကာ ဖရိုဖရဲဖြစ်အောင် ပြင်ပြီးတော့ ခန္ဓာတစ်ကိုယ်လုံးကို နွယ်ပင်စိမ်းတွေ စတင်ပတ်နှောင်ကြသည် ။ နွယ်ပင်များကို တင်းကျပ်တဲ့အထိပတ်စေကာ နေရောင်၏ ဖွေးစွတ်နေသော အသားပေါ်နေသည့် နေရာများတွင် ဆေးနီများဖြင့် သွေးနှင့်တူသော ပွင့်ဖတ်တို့ကို ရေးဆွဲကြသည် ။ မျက်နှာတွင်တော့ နွယ်ပင်များက အသားထဲက ပေါက်ထွက်လာဟန် ကော်ဖြင့်ကပ်ကာ နေရောင်၏ လှပသော almond eyesလေးများကို အနီရောင် linerနှင့်အတူ ငိုထားသဖွယ် ပန်းနုရောင်သမ်းနေသော lookကို ပြင်လေသည် ။

 

“ နေရောင် နင် အရင်ဘဝက ဘယ်နိုင်ငံကို ကယ်တင်ခဲ့လို့ ဒီလို မျက်နှာမျိုးရထားရတာလဲ “

 

Senior အစ်မလဲဖြစ် ယခု setရဲ့ မိတ်ကပ်ဆရာမလဲဖြစ်တဲ့ အစ်မStella၏ စကားကို ကြားတော့ နေရောင်ရယ်မိသည် ။

 

“ အစ်မကတော့ မြှောက်ပြီ “

 

“ အတည်ပါဟာ ၊ ဒီလို face cardက ခေါင်းရင်ထားကိုးကွယ်လို့ရတယ် “

 

ဘဝကို ကယ်နေတဲ့ ဒီမျက်နှာလေးရှိလို့တော်သေးသည်ဟု နေရောင်တွေးကာ အသက်ရှုချောင်မိသည် ။

final lookပြီးသောအခါ နေရောင် ခန္ဓာအပေါ်ပိုင်းမှာ နွယ်ကြိုးများကြောင့် လှုပ်မရတဲ့ အခြေအနေရောက်သွားလေသည် ။ နေရောင်လဲ အချုပ်ခံထားရသည့် အခြေအနေနှင့်ပင် setပြင်ထားသည့် နေရာသို့ ထွက်လာခဲ့သည် ။

မိတ်ကပ်ပြင်ပြီးထွက်လာသော နေရောင်ကို မြင်သောအခါ setမှာရှိတဲ့ သူအကုန် လုပ်နေသည်များ ရပ်တန့်ကာ နေရောင့်အား ငေးကြည့်မိကြသည် ။

ဓနကို ကြည့်တော့ ပါးစပ်လက်ဖြင့်အုပ်ကာ ငိုချတော့မလိုဖြစ်နေလေသည် ၊ နွေးမွန်ကတော့ ချက်ချင်း ကမ်မရာကောက်ဆွဲကာ တဖျပ်ဖျပ်ရိုက်လေသည် ။

 

“ ငါ setပြင်ထားတဲ့စီထိ သွားတာစောင့်ပါဦးလားကွာ “

 

“ bts သားကြီး bts “ ( behind the scenes )

 

ရောင်ခြည်ပင်လျင် ဖုန်းထုတ်ကာ နေရောင်ကို ဓာတ်ပုံရိုက်နေလေသည် ။

 

“ တကယ် အမေးဇင်း “

 

ထို့နောက် ဓနက ငိုသံကြီးဖြင့်

 

“ ဘုရင်တွေ စစ်ခင်းလုရမဲ့ အလှမျိုးဆိုတာ ဒါကိုပြောတာနေမယ် “ ဟု ပြောချလေသည် ။

မသိတဲ့သူဆို ဓန ‘ ရောင်ခြည်ကို ပိုးပန်းနေသည်ဟုထင်ကောင်း ထင်ပေလိမ့်မည် ။ အမှန်ကတော့ စောဓနသည် ပါးစပ်ဟလိုက်သည်နှင့် အွန်လိုင်းပေါ်ကဖတ်ထား၊ မှတ်ထားသမျှပေါက်ကရအကုန် မရှက်မကြောက် ပြောချတတ်တဲ့သူသာဖြစ်သည် ။ သူ့ အာချောင်မှုကြောင့် အထင်လွဲခံရသည်မှာပင် မနည်းမနောပေ ။

ဓာတ်ပုံရိုက်မည့် နွေးမာန်မှာမူ ကမ်မရာကြီးကိုင်ကာ ရိုက်ချင်နေပြီဖြစ်တာကြောင့် ထိုင်မရ၊ ထမရဖြစ်နေသည်ကို မြင်တော့ နေရောင်လဲ မြန်မြန်ပင် ရှုတင်စဖို့ လုပ်လိုက်လေသည် ။

 

Set designမှာ ပျက်ဆီးနေသော အဖြူရောင် တိုင်အောက်ခြေများနှင့် အလှဆင်ထားပြီး ၊ ဘေးပတ်ပတ်လည်တွင်တော့ မြက်များ ၊ အစိမ်းရောင်ရှိသော အပင်များပြင်ထားလေသည် ။ ရှေးဟောင်းGreek နတ်ကွန်းတခု၏ သွန်းလုပ်ထားသော ပန်းပုရုပ်ထုထားရာ နေရာတခုနှင့်ပင် တူလေသည် ။ဓနက နေရောင်ကို set အလယ်က ပန်းပုရုပ်တင်ရန်ပြုလုပ်ထားသော် အဖြူရောင်အုတ်ခုံတွင် ထိုင်စေပြီး သေနေသော အကြည့်ဖြင့် ကမ်မရာကို တည့်တည့်ကြည့်စေသည် ။ setတခုလုံး အမှောင်ချထားပြီး နေရောင်ကိုသာ အပေါ်တည့်တည့်က မီးကျွေးထားလေသည် ။ setက အေးစိမ့်ကာ အုပ်မှိုင်းသော အငွေ့အသက်ပေးပြီး နေရောင်၏ ခန္ဓာကိုယ်ပေါ်က သွေးစီးကျနေသရောင် ပွင့်ဖတ်အနီတွေနဲ့ နွယ်ကြိုးတွေ တင်းကျပ်စွာစီးထားသောကြောင့် ရလာတဲ့ ဒဏ်ရာသကဲ့သို့ ပွန်းပဲ့ရာများကို သွေးစို့နေသယောင် ပြင်ထားသော အသားပေါ်က နေရာများဟာ lightingမီးရောင် အောက်မှ ထင်းကာထွက်နေလေသည် ။

 

“ စောက်ရမ်းfineတယ် Lux ! ငါ့ cameraကို side eyeလေး ပေးပေး ၊ အိုကေ မှန်တယ် fineတယ် “

 

Studioထဲတွင် camera shutter အသံနှင့် photographerဖြစ်သူ နွေးမာန်၏ directionပေးသံသာကြားရသည် ။ ကျန်တဲ့crewကတော့ lightingအောက်က နေရောင်ကိုသာ တိတ်တိတ်လေး ငေးကြည့်နေကြသည် ။

 

“ Indoor ပြီးပြီ ဓန ၊ ငါတို့ outdoor ရွှေ့ကြမလား “

 

“ အေး ဒီလောက်ဆို ရပြီ ၊ Lux မင်းနဲ့ ရောင်ခြည် မနက်စာ မစားရသေးဘူးမှတ်လား ၊ ငါတို့ ဒီမှာ သိမ်းပြီး သွားစားကြမယ် “

 

မနက် ၈နာရီထဲက ဗိုက်ဟောင်းလောင်းနှင့် အလုပ်လုပ်နေသော နေရောင်လဲ သူတို့ပြောမှသာ မနက်စာမစားရသေးမှန်းသတိရလေသည် ။ ပုံမှန်လဲ Budget Production Crewတွေနှင့် အလုပ်လုပ်ရင် Production Manager မပါတိုင်း ထမင်းမေ့ ဟင်းမေ့ဖြစ်ကြတာများသည် ။

 

မနက်စာစားချိန်က နေ့လည်စာ စားချိန်နှင့် ကပ်နေပြီဖြစ်တာကြောင့် outdoorရိုက်မည့် Locationနှင့် နီးတဲ့နားက တရုတ်စားသောက်ဆိုင်ကိုသာ ရွေးလိုက်ကြသည် ။ ဆိုင်ရောက်တော့ crewက ၆ယောက်ရှိတာကြောင့် သီးသန့်အခန်းယူပြီး အေးအေးဆေးဆေးစားရန် ဆုံးဖြတ်လိုက်ကြသည် ။

 

ဆိုင်မှာ အဆင့်မြင့်တရုတ်စားသောက်ဆိုင်ဖြစ်သောကြောင့် သီးသန့်အခန်းအများအပြားရှိလေသည် ။ ပါကင်မှာ ရပ်ထားတဲ့ကားများကို ကြည့်ခြင်းဖြင့်လဲ ဒီဆိုင်တွင် ဘောစိတွေပဲ စားကြောင်း သိသာသည် ။

Menuကို ကြည့်လိုက်တော့ ထင်ထားသည့်အတိုင်း စျေးက သာမာန်ဆိုင်နှင့် ယှဉ်လျှင် အနည်းငယ်များလေသည် ။ ဒါပေသိ တအားစျေးကြီးနေတာတော့ မဟုတ်ပေ ။ ထို့ကြောင့် နေရောင် ‘ နွေးမာန်ကို မျက်စလှမ်းပစ်လိုက်သည် ။ နေရောင် ဘာကိုဆိုလိုချင်လဲသိတဲ့ နွေးမာန်က လက်မထောင်ပြကာ

 

“ မပူနဲ့ ဒါ ငါ့အဒေါ် ယောက်ျားဆိုင် ၊ 50% off member cardရှိတယ် ၊ ကြိုက်သလောက်သာစား “ ဟု ပြောလိုက်လေသည် ။

 

နေရောင်လဲ ခေါင်းငြိမ့်ကာ နွေးမာန်အား အဆင်ပြေတာမှာရန်ပြောပြီး အိမ်သာတချက်ထွက်လာခဲ့လေသည် ။

မနက်က သေချာမကြည့်လာမိတဲ့ ကိုယ့်မျက်နှာကို အိမ်သာရောက်မှ မီးရောင်အောက်တွင် သေချာကြည့်မိကာ နေရောင်သက်ပြင်းချမိသည် ။ သူ့မျက်နှာသည် ဘယ်လိုမှ အယ်ဖာတစ်ယောက်နှင့်မတူပေ ၊ အယ်ဖာလို့ပြောလို့ရတာဆို၍ သူ၏ ရှည်လျားသော အရပ်သာရှိသည် ။ ဒီရုပ် ဒီရည်နှင့် အိုမီဂါသာဆို သူ အယ်ဖာတစ်ယောက်လောက် အသာလေးဆွဲဆောင် လက်ထပ်နိုင်မည်ဖြစ်ပြီး ခုလို အလုပ်နှင့်လက်မပြတ်အောင် လုပ်နေစရာလိုမည်မဟုတ်ဟု နေရောင်တွေးမိသည် ။ သူလဲ လူပဲ ၊ ပင်ပန်းသည်ပင် ။ လူ့ပတ်ဝန်းကျင်က အယ်ဖာတစ်ယောက်အပေါ်ထားတဲ့ စံနှုန်းတွေကို သူစိတ်ကုန်နေပြီဖြစ်သည် ။

____ စားသောက်ဆိုင်ရှေ့ကို Rolls-Royce Phantom Astrea Colorကားတစ်စီးထိုးရပ်လာခဲ့သည် ။

 

“ Boss ချိန်းထားတဲ့နေရာရောက်ပါပြီ “

 

ကားနောက်ခန်းတွင် Heatပြီးထားတာ မကြာသေးတာကြောင့် ပုံမှန်ထက် ပင်ပန်းနေပုံပေါ်တဲ့ မင်းခေါင်သုခသည် မှေးနေရာမှ မျက်လုံးဖွင့်ကြည့်လာလေသည် ။

 

“ ဒီချိန်းထားတာပြီးရင် ည Dinner ရှိတယ် Boss “

 

မင်းခေါင်သုခ မျက်ရိုးများအားနှိပ်နယ်ကာ ကျောအားမတ်ပြီ ဝတ်ထားတဲ့ suitကို ပုံကျအောင် ပြင်လိုက်လေသည် ။

 

နောက်ကြည့်မှန်ကနေ မြင်နေရသော မင်းခေါင်သုခကို အတွင်းရေးမှူးဖြစ်တဲ့ သွင်ငြိမ်းဆက်ပိုင် ကြည့်ပြီး သက်ပြင်းလေးသာ ခိုးချမိသည် ။ Bossသည့် အင်မတန်ကိုမှ ခေါင်းမာလွန်းလှသည်။ ဆရာဝန်က အိမ်မှာ နားပါဦးလို့ပြောထားပေမဲ့ ဆရာဝန်စကားနားမထောင်ပဲ အလုပ်တွေပြန်လုပ်နေလေသည်။ သူလဲပဲ တားရန်မစွမ်းပေတော့ အနောက်ကသာ မျက်ခြေမပြတ်စောင့်ကြည့်ရန်တတ်နိုင်သည် ။

ခုလဲ မနေ့တနေ့ကမှ မိုနာကိုကနေ ရန်ကုန်ပြန်လာတာကို မနားပဲ ဆေးသောက်ပြီး လုပ်ငန်းရှင်တွေနဲ့ စားပွဲတွေ အဆက်မပြတ်တက်နေလေသည် ။ အမှန်ပြောရရင် အခု Bossတွေ့ဖို့ရှိတဲ့ စီးပွါးရေးရှင်တွေက Bossရဲ့ လုပ်ငန်းနှင့်ယှဉ်ရင် စျေးထဲက စျေးဆိုင်လောက်ပင်ရှိသည့် အနေအထားပင် ၊ မတွေ့လဲ ကိစ္စမရှိပေ ။ ကုမ္ပဏီ Headquarterက ယိုးဒယားမှာဖြစ်သော်လဲ ရန်ကုန်ကို အမြဲပြန်လာတဲ့ Bossရဲ့ အကြောင်းပြချက်ကို သိပေမဲ့ ၊ ဘာကြောင့် ဒီလူတွေနဲ့ တွေ့နေလဲ အတွင်းရေးမှူးဖြစ်တဲ့ ကိုယ်ပင် နားမလည်နိုင်ပေ ။

သူ ပျင်းနေလို့ ပြဿနာရှာချင်လို့လား ၊ ဒါမှမဟုတ် လုပ်ငန်းအသစ်တခုထပ်တိုးဖို့ စီစဉ်နေလို့လား ၂ခုထဲက တခုပင်ဖြစ်ပေလိမ့်မည် ။

 

ချိန်းထားတဲ့ Private Roomကို ရောက်တော့ လူက စုံနေပြီဖြစ်သည် ။ မင်းခေါင်သုခကို မြင်တော့ အခန်းထဲက စီးပွါးရေးသမားသည် ဖော်ရွေစွာ ကြိုဆိုကြလေသည် ။

 

“ ကိုမင်းခေါင်ရောက်လာပြီလား ၊ ကျုပ်တို့က မလာတော့ဘူးတောင် ထင်နေတာ “

 

Private roomထဲမှာ ရှိနေတဲ့ လူတွေရဲ့ အသက်အားဖြင့်ကြည့်လျှင် မင်းခေါင်သုခမှာ အငယ်ဆုံးဖြစ်သော်လဲ ဒီမြေခွေးအိုကြီးတွေစီက တလေးတစား နာမည်ရှေ့ “ ကို “ ထည့်ခေါ်ရလောက်တဲ့အထိ မင်းခေါင်သုခသည် ဩဇာအာဏာရှိသူဖြစ်သည် ။

 

“ အရှေ့က meetingပြီးတာ နောက်ကျသွားလို့ sorryပါဗျာ “

 

“ မဟုတ်တာ ၊ အေးဆေး အဖေတို့ရော နေကောင်းကြလား “

 

ထိုအမေးကို ကြားတော့ မင်းခေါင်သုခ မျက်မှောင်ကျုံ့မိသည် ။ သူ့မှာ ကိုယ်ပိုင် ကုမ္ပဏီရှိပါရဲ့နဲ့ ဒီဘိုးတော်တွေက အားရင် အဖေတို့ကိုပဲ မေးနေကြသည်မှာ တော်တော်အာရုံနောက်စရာကောင်းလှသည်။

 

“ ဦးဇေယျာရော ကျန်းမာရေးကောင်းရဲ့လား ၊ ဂေါက်ကွင်းက resortက အနံ့ဆိုးတွေထွက်နေတယ် ကြားတယ် “

 

ဦးဇေယျာရဲ့ Y corpက resortလုပ်ငန်းအဓိက လုပ်ကိုင်တာဖြစ်ပြီး ၊ မကြာသေးခင်က ဦးဇေယျာရဲ့ corp လက်အောက်က Resortတခုဖြစ်တဲ့ Y Golf Club resortတွင် သူ၏ တဦးတည်းသောသား ဆေးကွဲပြီး လာရောက်တည်းခိုသူတွေနဲ့ ပြဿနာတက်ထားတဲ့ အမှုကို ပိုက်ဆံပေးကာ သတင်းဖျောက်ထားသည်ကို မင်းခေါင် လှမ်းထောက်လိုက်ခြင်းပင်ဖြစ်သည် ။

ဦးဇေယျာသည်လဲ ချောင်းဟန့်ကာ ရယ်ကျဲကျဲပြု စကားလမ်းကြောင်းလွှဲသွားလေသည် ။

 

ဆက်ပိုင် မျက်လုံးမှိတ်ကာ တွေးလိုက်သည် ။

 

“ သူပျင်းနေလို့ ပြဿနာရှာဖို့ဆိုတာ သေချာပေါက်ပဲ !! “

 

ထိုအချိန် မင်းခေါင်တို့၏ Private Roomတံခါးမှာ ရုတ်တရက်ဖွင့်သွားပြီး ၊ တစ်ခန်းလုံးမှာရှိတဲ့ သူတွေကို အသက်ရှူရပ် ငေးမောသွားစေနိုင်တဲ့ နတ်ဘုရားသဖွယ် လှပသော မျက်နှာလေးကို တွေ့လိုက်ရသည် ။

 

“ တောင်းပန်ပါတယ် ကျွန်တော် အခန်းမှားသွားလို့ပါ “

xxxxxxxxxxxxxxxxxxxxxxxxxxxxxxxxxxxxxxxxx