နေရောင် အိမ်သာက ထွက်လာပြီးနောက် ဓနတို့ နွေးမာန်တို့ရှိရာ Private roomကို ပြန်လာခဲ့သော်လဲ မထင်မှတ်ထားပဲ အခန်းမှား တံခါးဖွင့်မိခဲ့သည် ။ နေရောင်ဖွင့်မိတဲ့ အခန်းထဲမှာ ကြည့်လိုက်ရုံနဲ့ စီးပွါးရေးလုပ်ငန်းရှင်များသာရှိသည့် အခန်းမှန်း သိသာလှသည် ။ ထိုသူများထံက ရုတ်တရက်လာရှိလာတဲ့ မုဆိုးက သားကောင်ကို ချောင်းနေသဖွယ် အကြည့်များကို နေရောင်မနှစ်သက်ပေ။ ထို့ကြောင့် ခပ်မြန်မြန်ပင် အခန်းမှားဝင်လာမိကြောင်း တောင်းပန်ပြီး အခန်းတံခါးအားပြန်ပိတ်လိုက်သည် ။ သို့သော် မျက်လုံး အစွန်အဖြားကနေ သူ့ကို သူများနှင့်မတူသော အကြည့်နှင့်ကြည့်နေတဲ့ suitအဖြူနဲ့ ချောမောတဲ့ ယောက်ျားတစ်ယောက်ကိုတော့ နေရောင် မှတ်မှတ်ရရမြင်ခဲ့လေသည်။

 

ရုတ်တရက် သူတို့ Private Roomထဲ ဝင်လာသော ကောင်လေးသည် တော်တော်လှသည်ဟု မင်းခေါင်သုခ မှတ်ချက်ပေးမိသည် ။ သို့သော် ဒီလိုမျိုးအကွက်များဖြင့် သူ့ကို ဇယားလာခင်းတဲ့ Alpha , Beta များ သူ့ဘဝတွင် မနည်းမနောကြုံခဲ့ရပြီးဖြစ်သည် ။ ထို့နောက် စားပွဲဝိုင်းတွင် အသံ ဟိုတစ ၊ ဒီတစ ထွက်လာလေသည် ။ မြေခွေးအိုကြီးတွေ ထုံးစံအတိုင်း အသားလတ်လတ်ဆက်ဆက် တတုံးတွေ့လျှင် စားဖို့ကြံကြသည်မှာ မလွဲပင် ။ တချို့က အခန်းမှား ဝင်လာတဲ့ ကောင်လေးကို Alpha , Beta , Omega ခွဲမရ၍ ဘာဖြစ်မလဲ ခန့်မှန်းနေကြပြီး ၊ တချို့က သူတို့၏ လက်ထောက်များကို business cardသွားပေးပြီး contact infoတောင်းရန် အချက်ပြနေလေသည် ။ မင်းခေါင်သည်လဲ လက်ထောက်အတွင်းရေးမှူးဖြစ်သူ သွင်ငြိမ်းဆက်ပိုင်ကို အချက်ပြလိုက်သည် ။ သို့သော်လဲ တခြားသူတွေလို contact infoရဖို့မဟုတ်ဘဲ ၊ background checkလုပ်ပြီး သူ့ကို ဇယားလာရှာတာမှန်လျှင် ရှင်းပြစ်ဖို့ရန်ဖြစ်လေသည် ။

 

နေရောင် အခန်းအမှန်ကိုပြန်ရောက်တော့ ဓနက နေရောင်မျက်နှာ မကောင်းတာသတိထားမိ၍ ဘာဖြစ်လာတာလဲ မေးလေသည် ။ နေရောင်လဲ ဖြစ်ခဲ့တာကို ပြောပြတော့ ဓနတို့လဲ သဘောပေါက်သွားလေသည် ။ အခန်းထဲက သူများမှာမူ နေရောင့်မျက်နှာကြည့်ရင်းသာ ခိုးသက်ပြင်းချကာ ပြိုင်တူတွေးမိကြသည် ။

 

“ တကယ် ဘုရင်တွေ စစ်ခင်းလုရမဲ့ အလှမျိုး …. “

 

နေရောင်တို့ ညနေစားပြီး စားသောက်ဆိုင်ရှေ့က ပန်းခြံစီ outdoor shooting သွားရိုက်ဖို့ ထွက်လာတဲ့ အချိန်တွင် ထင်ထားသကဲ့သို business cardsများလာရောက်ပေးဆောင်ခြင်းကို ကြုံရလေသည် ။ နွေးမာန်နှင့် စတယ်လာက နေရောင်နှင့်ရောင်ခြည်အား ကားပေါ်တက်ရန်ပြောပြီး ဓနသည်သာ နေရောင့် မန်နေဂျာတာဝန် တဖျက်ယူပြီး ထိုကဒ်များအား သိမ်းယူကာ သူ၏ business cardကိုသာ ထုတ်ပေးခဲ့သည် ။ ရလာသော business cardများထဲတွင် မကောင်းသောရည်ရွယ်ချက်နှင့်ပေးသော ကဒ်များပါသလို ၊ ကောင်းသော ရည်ရွယ်ချက်နှင့်ပေးသော ကဒ်များလဲပါဝင်သည်ကို ဓနသိသည် ။ ဓနစိတ်နဲ့သာဆို အာရုံနောက်၍ အကုန်ငြင်းလွှတ်လိုက်မည်ဖြစ်သော်လဲ ၊ အမြဲ အလုပ်လိုအပ်နေသော နေရောင်အတွက်တော့ ဒီကဒ်တွေထဲက တကဒ်သည် သူ၏ ပိုက်ဆံရဖို့ အလုပ်တခုဖြစ်လာနိုင်သည် ။ နေရောင်သည် တကယ်မှုန်နေအောင် လှသော်လဲ mainstream jobs အလုပ်များကို ယခုအချိန်ထိရရှိသေးသူမဟုတ်ပေ ။ Castingတွေက များသောအားဖြင့် သူတို့ လိုချင်တဲ့ genderကို အတိအကျပြောခေါ်လေ့ရှိရာ Alpha Modelခေါ်လို့ castingဝင်တိုင်း Alphaတယောက်အနေနဲ့ နေရောင်က တအားလှလွန်းနေသဖြင့် casting အမြဲကျရှုံးလေသည် ။ သူတို့ပြောသလို Omegaလို လှလွန်းသောကြောင့် Omega Model casting ဝင်လျှင်လဲ Alphaဖြစ်နေသောကြောင့် ကျရှုံးပြန်သည် ။ ထို့ကြောင့် နေရောင်သည် gender အတိအကျမလိုတဲ့ brandငယ်များရဲ့ freelance model အလုပ်ကိုသာ လုပ်နေရခြင်းဖြစ်သည် ။ သူ၏ သူငယ်ချင်းအဖြစ်ကို တွေးမိတော့ ဓနလဲ တော်တော်စိတ်မကောင်းဖြစ်သွားလေသည် ။ စိတ်ထဲတွင်လဲ သူ့၏ သူငယ်ချင်းအား အလုပ်ကောင်းကောင်းရရန် ဆုတောင်းပေးမိသည် ။

 

မင်းခေါင်သုခ စားသောက်ဆိုင်ထဲကထွက်လာသည်နှင့် ထိုမြင်ကွင်းကို မြင်လိုက်ရသည်မှာ မထူးဆန်းပေ ။ Alphaဆိုတဲ့ အမျိုးတိုင်းက သူတပါးအား နှိမ့်ချတွေးပြီး အမဲဖြတ်ရန်သာ ချောင်းနေတတ်သည် စုတ်ပဲ့သော သတ္တဝါများသာဖြစ်သည်ဟု မင်းခေါင် တွေးလိုက်သည် ။ ကားထဲရောက်တော့ ဆက်ပိုင်က မင်းခေါင်ထံ iPad ကမ်းပေးလာခဲ့သည် ။

 

“ ခုနက ကောင်လေးနာမည်က နေရောင်ဦးထက် ၊ Alpha “

 

“ Alpha “ ဆိုတဲ့ စကားကိုကြားပြီး မင်းခေါင် မျက်ခုံးပင့်မိသည် ။ ဒီလိုလှတဲ့ Alphaကို ဒါ ပထမဆုံးမြင်ဖူးခြင်းဖြစ်သည်ကိုတော့ မင်းခေါင်လက်ခံမိသည် ။

 

“ လက်ရှိမှာ freelance model လုပ်နေပြီး ၊ N University မှာ Full Scholarship နဲ့ တက်ရောက်နေတယ် ၊ ကျန်တဲ့ အချက်အလက်ကတော့ ဖိုင်ထဲမှာ ပါတာ အကုန်ပဲ ခင်ဗျ “

 

“ N University… “

 

N University သည် မင်းခေါင်၏ အဖေဖြစ်သူ ဦးနိုင်သူဇေရဲ့ Corp. လက်အောက်က private university ဖြစ်သည်။ ထိုကောင်လေးရဲ့ infoကို မင်းခေါင် ဆက်ဖတ်ပြီးနောက်တွင် ဒီကောင်လေး ဘဝကဆိုးလိုက်တာလို့ပင် မင်းခေါင်တွေးမိသည် ။

 

သူ ၁၂နှစ်သားအရွယ်မှာ အဖေက စီးပွါးပျက်လို့ ကိုယ့်ဘာသာ သတ်သေပြီး တသက်ဆက်မကုန်မဲ့ အကြွေးတွေနဲ့ မိသားစုကို ထားခဲ့တယ် ၊ အမေက အဖေကြောင့် ရူးသွားပြီး စိတ်ကျန်းမာရေးဆေးရုံထဲ ထားထားရတယ် ၊ ၅ နှစ်ငယ်တဲ့ ညီလေးတစ်ယောက်ရှိပြီး ၊ ၁၄နှစ်သားအရွယ်ထဲ အိမ်ကိုထောက်ပံ့ဖို့ အဒေါ်ဖြစ်သူ အကူအညီနဲ့ ကလေးမော်ဒယ်အနေနဲ့ လုပ်ကိုင်ခဲ့တယ် ။

 

ဆက်ပိုင် ရှာပေးထားတဲ့ infoထဲတွင် ကောင်လေး၏ လုပ်ခဲ့တဲ့ အလုပ်တွေ ဓာတ်ပုံတွေ ကြော်ညာတွေ လက်ရှိ လျှောက်ထားတဲ့ castingများအပြင် social mediaအကောင့်များလဲ ပါလေသည် ။

ကြည့်ရသလောက်ကတော့ ထိုကောင်လေးသည် တကယ် အခန်းမှားဝင်လာတာဖြစ်လောက်သည် ။

ထို့နောက် iPadကို ပိတ်ကာ မင်းခေါင် မူးဝေလာသဖြင့် မျက်လုံးများအား တင်းကျပ်စွာပိတ်မိသည် ။ ဤသည်ကို သတိထားမိသော ဆက်ပိုင်က ရေဘူးကို အလျှင်အမြန်ဖောက်ကာ ပေးလိုက်လေသည် ။

 

“ Dinner Partyမစခင် ၃ နာရီလောက်အချိန်ရတယ် အိမ်ပြန်နားမလား Boss “

 

“ ပန်းခြံထဲ ခဏဝင်လိုက် ၊ ငါ လေနဲနဲရှူချင်တယ် “

 

ရန်ကုန်တွင် နွေ ၊ မိုး ၊ ဆောင်း ရာသီ၃ပါးရှိတယ်ဆိုသော်လဲ တစ်နှစ်ပတ်လုံး နွေရာသီတခုသာရှိသည်မှာ ပိုမှန်ပေလိမ့်မည် ။ outdoorရိုက်ကွင်းကို မိတ်ကပ်အပြည့်နဲ့ ရိုက်ရသည်မှာ လွယ်ကူသော အရာလုံးဝမဟုတ်ပဲ ။ Makeup artist သည်လဲ ၁၅မိနစ်ခြား တခါပင် မိတ်ကပ်ညှိပေးနေရသည် ။ ညနေစောင်းရောက်လာပြီး မိုးအုပ်လဲအုပ်နေကာ ပန်းခြံထဲတွင် သစ်ပင်များပေါသောကြောင့် အရိပ်ရပေမဲ့ Lightingထိုး ၊ Reflectorပြားကျွေးထားရတာကြောင့် နေရောင့်မျက်နှာမှာမူ နေလှမ်းခံထားရသလိုဖြစ်နေလေသည် ။

လက်ရှိ ရိုက်ကွင်းမှာ ပန်းခြံထဲရှိ နွယ်ပင်ကြီးများနှင့် ရိုက်ကူးနေရတာဖြစ်ပြီး မြူဆိုင်းနေသဖွယ်ပုံဖြစ်အောင် အငွေ့ထုတ်ပေးသည် စက်များလဲ ဖွင့်ထားရသည် ။ ညအရမ်းမမှောင်ခင် အပြီးသက်ရမည့် ရိုက်ကွင်းဖြစ်သောကြောင့် crewတခုလုံးသည် ရိုက်ကွင်းကိုသာ အာရုံစိုက်နေလေသည် ။ ဓနကတော့ directionကူပေး ၊ setကူပြင်ပြီးတဲ့နောက်တွင် ရောင်ခြည်အား camera ၊ lighting ၊ reflectorတွေ အလုပ်လုပ်ပုံကို ရှင်းပြနေလေသည် ။

 

ပတ်ဝန်းကျင်နှင့် အဆက်အသွယ်ပြတ်နေသော ရိုက်ကူးရေးအဖွဲ့အား မင်းခေါင် မလှမ်းမကမ်းတွင် ရပ်ကာ ဆေးလိပ်သောက်ရင်း ရပ်ကြည့်နေမိသည် ။

အနည်းနဲ့ အများ သူတို့လိုချင်တဲ့ visionကို သဘောပေါက်ပြီး မဆိုးဘူးလို့ပင် မင်းခေါင်တွေးမိသည် ။ အထူးသဖြင့် modelက cameraကို ကောင်းကောင်းဖမ်းစားနိုင်သည် ။ Art Director ရဲ့ visionကို သေချာနားလည်သဘောပေါက်ပြီး poseပေးနိုင်လေသည် ။

 

ထို့နောက် မင်းခေါင် ရုတ်တရက် မူးဝေလာ ခန္ဓာကိုယ်တစ်ခုလုံး ပူလောင်လာလေသည် ။ သေချာသည် သူ ရုတ်တရက် heatဝင်သွားခြင်းဖြစ်သည်ဟု မင်းခေါင်သိလိုက်လေသည် ။ အသက်ရှူရ ခဲယဉ်းလာပြီး ခြေများပင် မခိုင်ပဲ ဒူးတဖက်ထောက်လျပ်အနေအထားဖြင့်ပင် ပူလောင်မှုကို တောင့်ခံနေရသည် ။ အခြေအနေကို မြင်သော ဆက်ပိုင်မှာ ကားပေါ်ကပြေးဆင်းလာပြီး မင်းခေါင်ကို ဆွဲထူကာ ကားစီကို အလျှင်အမြန်ခေါ်သွားရလေသည် ။

 

အသိစိတ်ဝင်တလှည့် မဝင်တလှည့်ဖြစ်နေတဲ့ မင်းခေါင်ဟာ ရုတ်တရက်ပင် သူရှာနေတဲ့ strawberry milkshake အနံ့လေးကို ရလိုက်လေသည် ။ သူ အသိစိတ်လွတ်နေလို့ ထင်ယောင်ထင်မှား ဖြစ်နေသည်လား မပြောတတ်ပေမဲ့ ပါးစပ်ကတော့  “ ငါ့ အယ်ဖာ “ ဟူ၍သာ ရွတ်နေမိသည်။

 

တဖက်တွင်လဲ ရိုက်ကူးရေးပြီးလို့ ပစ္စည်းများသိမ်းနေသည့် နေရောင်တို့ အဖွဲ့မှာ ရုတ်တရက်ရလာသော Omega heatအနံ့ကြောင့် လန့်သွားရလေသည် ။

နေရောင်တို့ ရိုက်ကူးရေးအဖွဲ့မှာ Alphaနှင့် Betaများသာဖြစ်ပြီး Alphaဖြစ်တဲ့ နေရောင် ၊ ဓန နှင့် နွေးမာန်မှာ သိသိသာသာ ခံစားရလေသည် ။

 

“ shit ဘယ်နားမှာ omega heatဝင်နေတာလဲ “

 

ဘေးရှိ သစ်ပင်ကို အမှီပြုကာ ဓန အံကျိတ်၍ မေးလိုက်သည် ။ နွေးမာန်မှာမူ ကမ်မရာအိတ်ကြီးပိုက်ကာ အသက်ရှူအောင့်ထားလေသည် ။ ထိုအချိန် ရုတ်တရက် မြေပြင်ပေါ်သို့ ဒူးထောက်ကျကာ အသက်ရှူသံပုံမှန်မဟုတ်တော့တဲ့ နေရောင်ကြောင့် crewတခုလုံး ထိတ်လန့်သွားကြသည် ။ နေရောင် alpha rutဝင်သွားခြင်းဖြစ်လေသည် ။

 

Alpha pheromoneမှာ Alpha အချင်းချင်းအတွက် ဘာမှထိရောက်ခြင်းမရှိပေမဲ့ ၊ တချို့ Betaနဲ့ Omegaတွေကမူ လုံးဝ တောင့်ခံနိုင်စွမ်းမရှိပေ ။ မထင်ရသော်ညား နေရောင်၏ Pheromoneမှာ အားပြင်းတဲ့အထဲပါလေသည် ။ ထို့ကြောင့် နေရောင်နှင့် အနီးဆုံးမှာ ရပ်နေတဲ့ Betaဖြစ်တဲ့ Stellaမှာ အသက်ရှူကျပ်လာလေသည် ။

 

“ ရောင်ခြည် မင်းအစ်ကိုနား မသွားနဲ့ ဒီမှာပဲ ရပ်နေ “

 

အခြေအနေမဟန်သည်ကို မြင်သော ဓနသည် ရောင်ခြည်အား နေရောင့်အနားမသွားရန် တားစေပြီး နွေးမာန်နှင့်အတူ နေရောင်ကို rutထိန်းချုပ်ဆေးထိုးပေးရန် အိတ်ထဲဆေးအမြန်ရှာကာ အပြေးသွားလေသည် ။

 

“ shit bro “

 

ဆေးထိုးပြီးနောက် အနည်းငယ်ငြိမ်ကျသွားသော နေရောင်မှာမူ အသိစိတ်နဲနဲပြန်ကပ်လာပြီး အနားက သူ့ rut ဒဏ်ခံလိုက်ရသော Stellaကို အားယူတောင်းပန်လိုက်သည် ။

 

“ ကျွန်တော် တောင်းပန်ပါတယ် အစ်မ … မင်းတို့လဲ တောင်းပန်ပါတယ် “

 

“ ရတယ် ဘာမှမဖြစ်ဘူး မင်းအပြစ်မဟုတ်ဘူး “

 

ဓနသည် နေရောင်ကို အိမ်ပြန်ပို့ကာ rutအတွက် လိုအပ်သည့်ဆေးများနှင့် စားရန်အစားအသောက်များ ဝယ်ပေးခဲ့လေသည် ။

 

“ ရောင်ခြည်ကို ငါ့အိမ်မှာ ခေါ်ထားပေးမယ် ၊ မင်း စိတ်ချလက်ချသာနေ ၊ rutပြီးရင် ဖုန်းဆက်လိုက် ၊ မင်း အလုပ်တွေလဲ ငါ emailပို့ထားပေးမယ် မင်းlaptop ငါယူသွားမယ် “

 

“ ကျေးဇူးကွာ မင်းလို သူငယ်ချင်းရှိတာ ငါ တော်တော်ကံကောင်းတာပဲ “

 

“ အဲ့ဒါဆို ကျောင်းပြန်တက်ရင် နေ့လည်စာဝယ်ကျွေး “

 

Rutထိန်းချုပ်ဆေးရဲ့ ဖိနှိပ်မှုကြောင့် အားလျော့နေသည့်ကြားက နေရောင် ရယ်မိသည် ။ သူ့ဘဝတွင် ကံဆိုးမှုများသာရှိပေမဲ့ သူငယ်ချင်းကံကတော့ အင်မတန်မှ ကောင်းလှသည်ဟု သူ တွေးမိသည် ။

 

Dominant Omega တစ်ယောက်၏ heatသည် ပုံမှန် Omega တစ်ယောက်၏ heatထက် ခံရပိုခက်သည် ။

အဲကွန်းကို အဆုံးထိတင်ဖွင့်ထားပေမဲ့ မင်းခေါင်သုခမှာမူ ချွေးများပြိုက်ပြိုက်ကျကာ အိပ်ယာပေါ် လူးလှိမ့်နေရုံသာတက်နိုင်လေသည်။ ခုနက ပန်းခြံထဲတွင် သူလိုအပ်နေတဲ့ စတော်ဘယ်ရီမစ်ရှိတ်အနံ့လေး ရခဲ့သည်မှာ သေချာဖြစ်သည်ဟု သူတွေးမိသည် ၊ ထို အတွေးကြောင့်ပင် heatက ပို၍ ခံရခက်နေလေသည် ။

 

“ ဘယ်တွေများ ရောက်နေတာလဲ ကို့ရဲ့ အသက်လေးရယ် … “

 

သူ ၁၀ နှစ် ၁၀ မိုး လိုက်ရှာခဲ့ရတဲ့ သူ့ရဲ့ Alphaကို ဘယ်တော့များမှ ပြန်ရှာတွေ့နိုင်မှာလဲ … သူ လွမ်းလွန်းလှပြီလေ ။